Arifaj: Ende nuk ka vendim për thirrje të seancës konstituive

15:42 | 21 Korrik 2017
Arbresh.info

Këshilltari i presidentit Hashim Thaçi, Ardian Arifaj, në një intervistë për Telegrafin ka folur rreth ftesës së presidentit dërguar partive politike për takimin konsultativ të së hënës, takim ky që ka të bëjë me thirrjen e seancës konstituive të Kuvendit të Kosovës.

“Nuk mund të ketë zvarritje të procesit, sepse 8 gushti është afati i fundit për thirrje të seancës”, tha ai, duke theksuar se ende nuk ka vendim për thirrjen e seancës konstituive.

Sipas Arifajt, pas takimit të paralajmëruar për të hënë, mund të caktohet data se kur do të mbahet kjo seancë.

Duke komentuar kritikat dhe akuzat e disa subjekteve politike se presidenti Thaçi po i shërben koalicionit PDK-AAK-NISMA, për zvarritjen e krijimit të institucioneve, Arifaj mes tjerash deklaroi se “presidenti është i të gjithë qytetarëve dhe ai përfaqëson interesin e të gjitha partive politike”.

Shpërndaje në rrjete sociale

Lajmet më të lexuara

Të ngjashme

Foto lajm